Është arrestuar një person në Podujevë, pasi që dyshohet se është përfshirë në një rast të vjedhjes.

Siç njofton Policia e Kosovës, B.S., 62 vjeç dyshohet se nga një furgon i parkuar në rrugën “Nuhi Gashi” në Podujevë, ka vjedhur një sasi të parave, transmeton Arbresh.info.

Vetëm pak minuta pas raportimit të rastit, zyrtarët policorë kanë arritur ta arrestojnë të dyshuarin si dhe i janë sekuestruar shuma e parave të vjedhura.

Njoftimi i plotë:

Arrestohet një person për vjedhje

Sot nga zyrtarët policor të stacionit të Podujevës, është arrestuar një person, për të cilin ekziston dyshimi i arsyeshëm se është përfshirë në një rast të vjedhjes.

Ka qenë puna operative e hetimore e zyrtarëve policor, ajo që ( vetëm disa minuta pas raportimit të rastit), ka rezultuar me arrestimin e personit të dyshuar, si dhe sekuestrimin e një shume të parave.

Personi i arrestuar, B.S, mashkull, 62 vjeç, dyshohet se nga një furgon i parkuar, në rrugën “Nuhi Gashi” në Podujevë, ka vjedhë një sasi të parave.